القلب ولا العقل؟؟؟سؤال يستحق الإجابه

السلام عليكم ورحمة الله وبركاته

انهارده هسأل سؤال مهم وعايز إجابه

كنت قاعد بفكر مع نفسي واتكلم مع عقلي

وعقلي قالي: احنا بنتصرف في حياتنا وفي تعاملاتنا مع الناس بناء علي ايه؟؟؟

بقلبنا ولا بعقلنا

قولتله .....تصدق ما اعرفش

قالي طيب ما تيجي نعرف

قولتله والله فكرة كويسه يلا بينااااااااا
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
عقلي سألني سؤالوقالي

لازم تجاوب عليه الاول عشان

توصل للحل في المشكله دي

السؤال كان ....هو عقلك فين؟؟

ضحكت وقولتله

علي رأي المثل

عقلك في راسك تعرف خلاصك

قالي يعني تقدر تحددي مكانه فين بالظبط في جسم الانسان

فكرت شويه....وقولتله تصدق ما اقدرش احدد مكانه بالظبط

يعني احنا بنفكر ازاي بقي؟؟؟؟

العقل شئ معنوي....بس قوي جدا

المهم بعد تفكييييييير كتير وحاولت اجيب ادله

هل احنا بنفكر بالقلب ولا العقل

انا الحمد لله وصلت لنتيجه وفلسفه خاصه بيا انا

اعتقد ان هي دي الاجابه الصحيحه

بس في الاول عايز اعرف رأيكم في الاول

انا متظر ردودكم وقولولي

احنا بنتصرف وبنفكر بعقلنا ولا بقلبنا؟؟؟؟؟؟

عايزه اقولك حاجه
تعرف تشترى لموأخذه جذمه من غير رباط
تعرف تكتب من غير قلم
تعرف تاكل من غير سنان
تعرف تلبس من غير هدوم
اهو كده الحال بالظبط من وجهة نظرى ماتعرفش تحكم على اى موضوع او اى مناقشه او حوار من غير ما يكون قلبك وعقلك حاضرين
مش ممكن تقدر تمشى بواحد فيهم لوحده .
ارجوا اعرف رأيك فى اللى بقوله
والختام سلام. Smile

من وجهة نظرى
اننا لازم نستخدم الاتنين قلبنا وعقلنا
مش حاجة واحدة بس
وانا بصرتيييت محتارة اختار العقل ولا القلب
بس انا بقى اخترت الاتنين
ارجو اعرف رايك ايه؟
سلام

شكرا بروف على الموضوع
ان من وجهة نظرى إن العقل والقلب بيكملوا بعض
يعنى لو استخدمنا العقل لوحده ممكن يبقى القرار قاسى شوية لانه مش هيبقى فيه رحمه بالاخرين
ولو استخدمنا القلب لوحده مش هنقدر نوصل للقرار السليم
فانا من وجهه نظرى ان لو فكرنا بالاتنين (القلب والعقل) اكيد ان شاء الله هنأخد القرار السليم
وعلى فكره انا فى يوم من الايام فكرت بأختيار واحد بس من الاتنين وانخدعت فى صحبة عمرى
(ولا يلدغ المؤمن من جحر مرتين)واكيد طبعا اتعلمت كتير من الموقف دة
دة رأيى وشكرا مرة تانية بروف

وعلى فكرة انا منتظرة اجابتك يا ريت تقلنا رأيك فى الموضوع
وكل سنة وانتم طيبين وبخير

أعتقد ان المخ هو المسئول عن إرسال الإشارات العصبية و الحسية إلى جميع أعضاء الجسم و أجزاءه للقيام بوظائفها بالشكل السليم و التكيف مع الظروف و المؤثرات الخارجية بما فى ذلك عضلة القلب حتى و ان كانت أهم عضو فى الجسم . يعنى القلب مالوش دخل بعملية التفكير أو الإحساس بالمعنى اللى احنا فاهمينه ، هو بس بيتأثر بالإشارات اللى بيرسلها المخ زى باقى الأعضاء . يبقى المخ هو المسئول عن التفكير و حتى الإحساس . أو العقل حتى و لو كان العقل شيء معنوى زى ما قلت يا profهو أقرب للمخ . يبقى العقل هو اللى بنفكر بيه . ده رأيى و فى انتظار رأيك .

السلام عليكم جميعا

اولا انا متشكر جدا يا انجيل ومريم ورحمه ودنيا متشكر للرد علي الموضوع

وبجد انا مبسوط جدا من الردود وكلها صح وتحترم

انا هتيييتول اقولكم انا وعقلي وصلنا لايه ........علي فكرة دي مش نظريه ولا حاجه ثابته بس ده اعتقادي وفلسفتي الخاصه زي ما قولتلكم

زي ما كلنا اتغفنا ان العقل شئ معنوي وليس شئ مادي

والسؤال دلوقتي هو العقل موجود فين

انا تفكيري وصلني لان العقل موجود في القلب يعني القلب والعقل هما حاجه واحده
يعني العقل هو القلب

خدوا بالكم ان العقل اللي انا اقصده هو الحاجه اللي بتحرك الانسان ومش العقل لان العقل بيفكر بالمعطيات اللي احنا بندخلها للمخ

والدليل علي كدا ان ربنا فطرنا علي اشياء ذكرت في حديث الرسول عليه الصلاة والسلام خمس من الفطرة الحديث الشهير

وفي حاجات فيه لو فكرنا فيها بالمخ ممكن تكون مش معقوله وكذلك في حاجات كتير في الدين لو شغلنا فيها المخ تتطلع غلط ولو شغلنا العقل اللي انا بقول انه هو القلب يعني تتطلع معقوله جدا جدا

وكمان الدليل التاني ان في سورة الناس احنا بنقول

قالي تعالي:
قل اعوذ برب الناس *ملك الناس*اله الناس*من شر الوسواسالخناس*الذي يوسوس في صدور الناس*من الجنة والناس

خدوا بالكم يوسوس في صدور الناس يعني عشان الشيطان يأثر فينا ويتحكم في تصرفاتنا بيوسوس في صدورنا طيب هو ايه اللي في الصدر
اكيد القلب مش معقول الرئه او البلعوم صح؟

وكمان في واحد سال الرسول ازاي يتجنب الذنوب قال : استفت قلبك وان افتوك الناس وافتوك

يعني العقل اللي هو القلب هو اللي بيحدد الصح ومن العلط

اذن انا وعقلي توصلنا ان المحرك الاساسي للانسان هو القلب_العقل يعني_ وهو المسئول عن التصرفات بتاعتنا في كل حاجه

وما اقصدش العواطف والحب وكدا طبعا العواطغ موجوده طبعا وهنتكلم غيها بعدين

وعايز اشوف ردودكم علي الكلام ده برتيييت ونتناقش ونتاكد ونوصل للحل الصحيح

عشان في مفاجاة تانيه ليكم

سلام ومستني الردود

كلامك منطقى يا prof و أقرب للواقع ، فعلا أفضل تفسير ان العقل و القلب شىء واحد مع انى اول مره اسمع الكلام ده بس اقتنعت . أنا بوافقك على الرأى ده . و فى انتظار مفاجأتك . سلام .

شكرا يا دنيا علي الرد

واتمني تكون الفكرة صح

وعايز اعرف رأي باقي الاعضاء

فين الردووود

تعرف انا بقالي كتير عندي مشكله فيها شبه من الموضوع دا
العقل><القلب
اكتر حاجتين في الدنيا ممكن يبهدلو حيات الواحد
لو فكرت بعقلك لوحدو ممكن تعمل شكل شمشون هتهد المعبد الي دماغك ودا الي فيه عقلك
ولو فكرت بقلبك هتعمل زي قيس اتهبل في اخرتها
كلتا الحلتين انتا خسران بس ممكن تعمل حاجه ممكن تحس بقلبك وبعدين تعقلها بعقلك علشان العقل دا بيفوز علي القلب في اكتر الاحيان بس معايه كان غير كدا خالص كان القلب الي بيفوز وبيلغي العقل
امممممممممممممممممممممممم اقولك حاجه
كبر الجي وروق الدي والغي قلبك دا اكتر حل وصلتلو ينفع والله
علشان لو شغلتهم هتتعب بس مش في كل الاحيان تلغيهم afro

i think
ان مش ممكن يكون القلب هو العقل
مثلا
ازاى هتحكم عقلك فى مشكلة عاطفية
مثلا
وازاى هتحكم قلبك فى مشكلة منطقية
in my opinion
مش ممكن واحد فيهم يحل مكان التانى
لكل وظائفه وخصائصه الخاصة بيه
مستنية الرد منك يا prof
سلاااااااااااااااااام للجميع Smile

انا متشكر يا مريم علي الرد علي الموضوع
دي وجهة نظرك وتحترم

بس انا اعتقد ان القلب مش هو اللي بيحل المشكلات العاطفيه

بس كنت عايز اعرف انتي قصدك ايه بالمشكلات العاطفيه بالظبط؟؟؟
هل انتي تقصدي الحب بين اي اتنين
او العلاقات الاجتماعيه
او الاقارب
وضحي بالظبط

مستني الرد
سلام Smile

اعتقد ان مريم كانت تقصد الحب العادى بين كل البشر دى نقطه
لكن انا عند رأيى اللى قولتهولك فى الاول
لازم الاتنين مع بعض فى كل حاجه
مثلا مشكله منطقيه بحته اديها نسبة تفكير عاليه من العقل ونسبه اقل من القلب يعنى قصدى ماتستخدمش عقلك لوحده او قلبك لوحده
وهكذا
وفى الاول والاخر هيا وجهات نظر Smile

بص يا سيدى انا مقتنع بكل كلمه البرف قلها وبردو محتار بس اسهل حاجه ممكن ائولها لو انتا محتار اوى بن عقلك وقلبك ارجع لربك واكيد هتلقى الحل
بس فى برضو مشكله فى ناس بتستخدم القلب وبتبعد العقل وفى ناس بتستخدم العقل وبتبعد القلب طيب ممكن لو فكرت لاى موضوع من الجانب العقلى والجانب العاطفى ممكن اواصل لحل ائولكم هو الحل انك ترجع لربك فى اى خطوه تخطيها

سلام ودى وجهت نظرى
دورها فى دماغك كدا واولى الرد يا برف

بص يا بروف انا دورت وبحثت فى الموضوع فى بعض المراجع ولقيت:
ان العلماء فى معهد رياضيات القلب فى امريكا يتحدثون جديا عن دماغ موجود فى القلب يتألف من 40000خليه عصبية اى ان ما نسميه العقل موجود فى مركز القلب هو الذى يقوم بتوجيه الدماغ لأداء مهامه لذلك فإن الله تعالى جعل القلب وسيله نعقل بها يقول تعالى"أفلم يسيروا فى الأرض فتكون لهم قلوب يعقلون بها أو أذان يسمعون بها فإنها لا تعمى الأبصار ولكن تعمى القلوب التى فى الصدور"
وايضا قوله تعالى "لهم قلوب يفقهون بها"
والاطباء فى الصين مهتمون بهذه الظاهره ويدرسونها الان واذا كانت هذه الظاهره صحيحه فإنها ستحطم الكثير من الحقائق فى الطب الحديث ولكن لو تأملنا القرأن والسنه الشريفة لوجدنا وصفا واضحا للقلب وعمله يقول "ص"ألا إن فى الجسد مضغة إذا صلحت صلح الجسد كله وإذا فسدت فسد الجسد كله ألا وهى القلب"
وكدا أبقى معاك يا بروف فى فلسفتك القلب ولا العقل؟؟؟سؤال يستحق الإجابه Icon_smile

شكرا يا جماعه علي الردود

وشكرا يا انجيل علي الاهتمام بالموضوع والبحث والتفتيش علي اصول علميه

وانا فعلا استفدت منها لاني ماكنتش اعرفها

واظن كدا يا جماعه ان النقاش في الموضوع ده انتهي

واعتقد ان كل الناس او معظم الناس متفقين علي ان القلب هو العقل او ان القلب والعقل وجهان لعملة واحده

وهي اللي بتحدد تصرفاتنا وتعاملاتنا مع الاخرين في جميع نواحي الحياة

وانا لسه عندي مواضيع و مفاجآت عايزين نناقشها مع بعض انا توصلت ليها انا وعقلي

واعتقد انها في صميم حياتنا وهتساعدنا قوي

ولو هي صح وكملنا عليها فعلا هنبقي اجدع شباب في مصر

وعلي فكرة انا بقول علي اللي انا بفكر فيه عشان نتناقش ولو طلع صح نكمل ولو غلط او مش مظبوط نقف

وانا بستفيد من رأيكم جدا جدا فوق ما تتخيلوا واعتقد انكم برضه بتستفيدوا

انتظروووووووا المفاجأة القدمه

وعايز اشوف الردود

سلام

اوكى يا بروف فى انتطار المزيد من المناقشات اللذيذه دى على فكره انا بستمتع بيها جدا
سلااااااااااااااااااااااام القلب ولا العقل؟؟؟سؤال يستحق الإجابه Icon_smile

» ارفع ايدك لفووووق....موضوع يستحق المشاهده
» اصعب سؤال في الدنيا....من أنا؟؟!!!!!!!
» سر دقات القلب