سر دقات القلب

السلام عليكم
اولا ايه الشكل الجديد للمنتدى ده يارب التغيير و التطويير على طول بس معلش يا بروف انا رايى ان الشكل الاولانى للمنتدى كان
جميل جدا و تصميمه كان هايل ده رايى طبعا بس فى النهاية القرار مش قرارى .
انا النهارده هاكتب ليكم حوار من الحوارات التى دارت بينى و بين عقلى
فى يوم من الايام استيقظت من نومى و ذهبت كالعاده كى انظف اسنانى و اتوضا وبينما انظف اسنانى وجدت قلبى يدق بشده
ولم استطع تحمل الدقات فوضعت يدى على قلبى وجلست على ااقرب كرسى موضوع
فضحك عقلى وقال:هوه لسه الحكاية دى بتحصلك
فسكت ولم اتفوه بلفظ
فقال: انا اسف انا كنت بحاول انسيكى الموضوع ده بس يظهر انه صعب انك تنسيه
فقلتله اعذرنى مش بايدى عمرى ما نسيتها ابدا انت عارف يعنى ايه مودعتهاش قبل رحيلها عارف يعنى ايه عمرى ما قلتلها انا بحبك
اوى
فقالى : ده نصيبك وقدرك ومفيش حد بيختار
قلتله ونعم بالله انا عارفه ده كويس وربنا احن وارحم بعبده . بس عارف يعنى ايه تبقى اقرب الناس ليك وعمر اى حد ما هيحبك قدها
انت عارف ان فراقها ليه وانا عندى 8 سنوات جعلنى لا اتذكر لها الا ذكريات قليلة جدا واكاد اتذكر كيف كانت تبتسم و تفرح
كيف كانت تبكى حتى انا مش فكره ليها غير حاجات بسيطه جدا لا تساوى اهميتها بالنسة لى واصاب بالضيق الشديد حين اريد ان
اتذكر كيف كانت تتصرف فى موقف معين ولا اعرف. تخيل اجد هذا المخ خالى ليس به ما اريد ان اتذكره
فقالى : بس انتى عارفه ان ربنا رحمها من مرضها القاسى
ايوه انا عارفه وبحمد ربنا انه رحمها من الالم والعذاب اللى كانت فيه ومن هذا المرض اللعين الذى لا يرحم
عارف انا بتمنى ترجع ولو دقيقة وقلها ان بحبها جدا ترجع عشان اشوفها بس ان شا الله تضربنى انا راضيه وقولها الكلمه التى لم اقولها
منذ الثامنه اقولها احلى كلمه فى الدنيا
فقالى: وبعدين ما انتى عندك والدك و اخواتك اللى بيحبوكى جدا دول كلهم مش معوضينك
فقلتله : دول عندى اغلى ناس انت عارف انا ارجع واقول الحمد لله اللى عندى والدى و اخواتى فى غيرى معندوش كده بس ده
مش هغير رايى فى ان عمر ما حد هيملى مكانها و لا الفراغ اللى تركته ولا حد عنده حنانها و حبها لاولادها

طبعا انتوا عرفتوا انا بتكلم عن مين طبعا عن احلى شخص فى حياتنا عن سر وجودنا عن:

الام
انا كتبت الموضوع ده رغم انه بيقلب عليه المواجع والدموع بتنزل لوحدها بسبب ما لاحظته من البعض من معاملتهم السيئه للام
والشخط فيها و اللى بيقولها اف رغم قول الله عز و جل( ولا تقل لهما اف ولا تنهرهما)
واللى بيجى الكليه وهوه مخاصمها و يقول اما ارجع هاصلحها طيب هوه حد فينا ضامن عمره هوه حد فينا ضامن اما يخرج يرجع تانى
انا بستعجب على اللى بيعمل كده ده عنده اكبر نعمه فى الدنيا ومش حاسس بيها والمفروض يحمد ربنا عليها كتيير وطبعا كلنا حافظين
الحديث ده من اولى ابتدائى وبننساه وقت اما بنزعلها . حين سال احد الصحابه الرسول (صلى الله عليه و سلم) وقال :من احق الناس بحسن صحابتى
قال:امك
قال :ثم من
قال:امك
قال: ثم من
قال امك
قال ثم من
قال ابوك
صدق رسول الله (صلى الله عليه و سلم)
وهذا يدل على عظم منزلة الام لما تحملت من الالام فى تربيتنا وهذه توصيه على الام وكيف يجب ان نعاملها بكل حب و احترام
وان نفكر فى اسعادها دائما لا فى جلب الحزن و الهم اليها
ادعو من الله ان يكن لهذا الموضوع تاثير ايجابى على كل من يقراه وطبعا لا تحرمونى من تعليقاتكم
الى لقاء فى موضوع اخر

موضوع جميل جداااااااااا يا شمس وربنا يجعله في ميزان حسناتك
وفعلا الجنة تحت أقدام الأمهات
وياريت كل حد مزعل والدته يروح يصالحها لأن رضا الأم مهم جدا جدا جدا

بالنسبة للمنتدي إحنا لسه بنجرب وطبعا انتي لازم تقولي رأيك واحنا طبعا بنحترمه وبناخد بيه

شكرا يا شمس على النصيحه الغاليه
ان شاء الله نعمل بيها