أحلي الذكريات

النهارده يا جماعه حبت اكتب موضوع بيتهيألي ان كلنا هنحبه جدا لأن بيفكرنا بأحلي الذكريات وأعزب الأوقات

سواء وانت طفل صغير أو وانت في المدرسه مع أصحاب الصبي أو حتي وانت في الكليه

في ذكريات لما بنفتكرها عنينا بتضيق شويه كدا ونحس اننا ركبنا آلة زمن ورجعنا لورا وكل حاجه بتيجي قدام عنينا كأنها فيلم وبيتعرض قدمنا

ونقول يااااااااااااااااااااااااااااااااااااااااه لو الأيام دي ترجع تاني دي كانت أيام حلوه


الذكريات اللي جوانا ممكن نفتكرها لأي سبب

حد من أصحاب الذكري دي نقابله بعد فترة ونفتكرها لما نشوفه
أو حتي هو يفكرنا بيها
أو صورة كنا متصورنها
أو ريحة برفان معينه
مكان معين ع البحر
فنجان قهوة كل ما نشربه نفتكر ذكري معينه
أو تي شيرت معين من زمان اوي بس محتفظ بيه عشان بيفكرك بموقف معين


كل دي حاجات بتفكرنا بالذكريات الحلوه

يلا بقي
كل واحد من أعضاء المنتدي يقول ايه أحلي ذكري هو فاكرها وايه اكتر حاجه بتفكره بيها
وبيحس بايه لما بيفتكرها

أنا معلش يا جماعه هخالف الموضوع وهعكسه لمرة واحده بس
الذكري هي الصورة اللي جايه دي





الذكري هي تعذيب خالد سعيد
وعمري ما هنسي خالد سعيد
بس هنسي التعذيب اللي بتمني فعلا ان يختفي تماما من أقسام الشرطه
بعد الثورة ان شاء الله وان العدل يسود المجتمع بتاعنا كله

ولما بفتكر الحكايه دي بحس فعلا ان دم الشهداء مرحش هدر وان التغيير هيجي هيجي ان شاء الله
وطبعا التغيير هيجي بأيدنا وبينا كلنا مش بس بتغير نظام ونظام تاني يحل محله
إن الله لا يغير ما بقوم حتي يغيروا ما بأنفسهم



يلا يا جماعه كله يقول الذكريات الجميله في حياته عشان يشاركنا ونشاركه فيها




سلااااااااااااااااااااااااااام

السلام عليكم
ايه ده يا بروف ينفع كده والله الموضوع ده كان فى دماغى وكنت هاكتبه بس يالله مفيش مشكله المهم انه انطرح.
طبعا بالنسبه ليه فى ذكريات مبنسهاش ابدا وافتكرها فعلا لما بقابل اصحاب الذكرى دى او فى قعدة عصارى مع كوباية شاى واكيد بنقول ياه واقول ياه لو الايام دى ترجع طبعا فى حاجات كتيرة حلوة بس انا هكتب حاجه واحده بس . كنت انا و صحبتى كل اما نيجى نروح فى حته تصمم لازم نروح بعجلة اخوها وانا ارفض وهيه تصمم اقولها ماشى وبعد اما تجيبها تصمم ان اركب وراها وهيه اصلا مبتعرفش تسوق وتفضل تلح لغاية اما اركب وهيه يا دوب نمشى خطوتين نقوم مقلوبين بالعجلة وفى مره وقعنا على وشنا ووشنا اندفس فى التراب وكنا بنقوم ونفضل نضحك.
بالنسبه لخالد سعيد يا بروف كلنا عمرنا مهننساه انا شفت اثار التعذيب اللى على الجثمان بتاعته فعلا حاجه فظيعه ربنا يصبر والدته وربنا يرحمه يارب ويسكنه اعلى الجنان.بس هوه كان صاحبك ولا ايه يا بروف.
بالنسبه للشكل الجديد للمنتدى الالوان بقت حلوه عن امس
سلااااااااااااام

وعليكم السلام
ولا يهمك المهم انه انطرح زي ما قولتي.
ههههههههههههههههه جميلة اوي الذكري دي
ومع انك عارفه ان ده هيحصل ومع ذلك بتسمعي كلامها

ربنا يخليكم لبعض ان شاء الله وتفضلوا تفتكروا الذكري دي علي طول

لا خالد سعيد مكنش صاحبي. بس هو كان اكبر دليل علي التعذيب اللي بيحصل في مصر
واللي اتمني انه ينتهي ان شاء الله

بالنسبة للمنتدي كويس ان الألوان عجبتك وياريت لو في أي اقتراحات تقولي عليها

سلاااااااااام

الفكره جميله جدا وده مش غريب على افكارك يادكتور
...............................
اما بالنسبه لذكرياتى فاجمل ايام عشتها فى حياتى كانت فى اليمن وكان يوم السفر 12\7\2010 الساعه 11 مساءاً
وذى الايام دى كنت بجهز جواز السفر بتاعى
ذكريات جميله عمرى ما بنسى اى لحظه من اللحظات اللى عشتها ولا هنسى اجمل ناسى قابلتهم ولا اجمل اصدقاء ليا بجد ايام متتنسيش ولا تتعوض اتمنى انكم تعيشوا ايام زيها واجمل مع انى لا اعتقد انه يكون فيه اجمل من كده لانها فعلا رحله متكامله
نفسى اسافر تانى
...........................
لما بفتكر الايام دى بحس انى سعيييييييييييييييييييده جداا

ميرسي يا بشمهندسه سمر والحمد لله ان الفكره عجبتك

ممممممممممممممممممم
جميله اوي الذكري دي
فعلا معاكي الرحلات دي بتبقي ايام ما تتعوضش
ان شاء الله هتسافري تاني وتالت
متخفيش
هههههههههههههههههههه

واحنا كلنا بنتمني ليك السعاده دايما

سلااااااااااام

حلوه الفكره يا بروف
يااااا رب تنتهى كل السلبيات فى مصر
ذكرى جميله يا شمس ، متبطليش تركبى ورا صاحبتك هههههههههههه
ان شاء الله تسافرى تانى يا سمر

ميرسى ياهشام بجد
ميرسى يادنيا بس انا اكيد مش هسافر اليمن تانى علشان مش مستغنيه عن نفسى

ميرسي يا دنيا
يارب ان شاء الله

ههههههههههههههههههههههه
معاكي حق يا سمر بلاش اليمن خليها سوريا

هههههههههههه
بلاش سفردلوقتى يا سمر
و العفو طبعااا

العفو يا بروف

يااااااااا رب انصر اخواننا فى اليمن و سوريا و ليبيا و فلسطيييييين
ان شاء الله يا سمر الشعب اليمنى ينتصر بسرعه و تقدرى تسافرى قريب
ياااااا رب انصرهم