خايفة عليكى يا اجمل ام فى الدنيا

اولا سلامى لكل الاعضاء
شوفتوا يا جماعة الدعوات ليوم الزحف الى القدس ايه
التحركات العشوائية و الخطوات الغير مدروسة و الاندفاع
الذى سيؤدى الى السير فى طريق مجهول نفسى اعرف
اللى بيدعى ده على اساس ايه هوه مش حاسس بالقلق
اللى احنا حسينه علشان مصر تجتاز هذه المرحلة انا مش قصدى
ان احنا نترك الفلسطينين بالعكس دول اخواتنا و فى طرق كتيرة لمساعدتهم
صح و مفيش اى حد يرضيه اللى بيحصل فى فلسطين ابدا زى مرضهوش
لبلدى ولازم تبنى بلدك اولا علشان اما تساعد حد يبقى موقفك قوى مش هوه ضعيف وانت كمان احوالك غير مستقرة و ممكن حد يطعنك طعنة لا تفيق منها الا بالندم و تبقى لا انته ساعدت نفسك و لا ساعدت غيرك فالمفروض ان احنا فى الفترة دى الا نزيد من المشاكل و التوترات الخارجية فعلا فى رايى دى من اصعب الفترات التى مرت بها مصر لان فى فترة الثورات يظهر كل المشاكل المتوقعة و الغير متوقعة التى تسمى بالثورات المضادة و بجد الله يكون فى عون القوات المسلحة اللى مش عرفه هتواجه المشكله دى ازاى ومش عرفه اسرائيل طبعا هتبقى عمله استعدادتها و لا ايه و تقول احنا اللى بدانا. انا خايفة عليكى قوى يا مصر وبقيت شايله روحى فى ايدى
ومن غير متطلوبيها هتلاقيها قدامك وبين اديكى.
ياريت يا جماعة تشاركونى وتقولولى ايه رايكم و وجهة نظركم.
اللهم احفظ مصر امنة مستقرة واقطع دابر الفاسدين واحفظ شبابها و رجالها الاوفياء
واحفظ الامة العربية وازل البلاء و الكرب عن اخواننا فى فلسطين و العراق و ليبيا و سوريا.
سلاااااااااااااااااااااااااااااااااااااااام

ازيك يا شمس ، يا رب تكونى بخير
اولا يا ستى متخافيش على مصر ، مصر شبابها واعى و روحه فيها ؛ مش هيسيبها تتأذى
ثانيا الزحف اتلغى و اللى رايحين بس قوافل و بالتنسيق مع المجلس العسكرى ( حاجه زى قافلة الحريه بتاعت تركيا ) لمحاولة كسر الحصار عن غزه بالطرق السلميه
ثالثا انا رأيى زيك ؛ اننا مينفعش ناخد اى خطوات غير مدروسه دلوقتى ، و مينفعش نتحرك قبل ما البلد تستقر
بس فى حاجه مهمه جدا لازم نلتفت ليها ، النظام السابق شوه صورة مصر فى العالم العربى و عزلنا عن اخواتنا من العرب لحد ما قربوا يكرهونا و احنا كمان كنا قربنا نكرههم ، و ده مينفعش ... فلسطين لازم تعرف اننا معاها بكل ما نملك و حتى ارواحنا و بنحلم بالشهاده على ابوابها و مش هى بس ... كل بلادنا العربيه و انا أعتقد ان المظاهرات المسانده للانتفاضه فى خلال التلات ايام و صلاة الفجر المليونيه بتؤدى هذا الغرض الان و كذلك احياء فكرة المقاطعه تانى على الاقل خلال هذا الشهر ... العرب لو قاطعوا بجد كل المنتجات الصهيونيه و الامريكيه هتبقى ضربه محسوبه لاقتصادهم
ملحوظه : أنا صليت الفجر فى مسجد القائد ابراهيم النهارده بما انى من اسكندريه و العدد كان جميل و كان احد المشاهد النادره اللى فعلا بيصعب عليا الناس اللى بتفوتها و ان شاء الله هنروح بكره و بعده
و طبعا يااااا رب النصر لكل اخواتنا
شكرا يا شمس لمشاركتك الجميله
سلااااااام

اذيك يا دنيا اخبارك ايه يارب تكونى دايما بخير و شكرا ليكى يا دنيا على الطمانة
و الخبر الجميل ده ويارب يجعلك مرسال خير و سعادة دايما يا رب و طبعا انتى من احلى
مكان من مملكة السحر و الجمال اسكندرية المحروسة عروس البحر المتوسط
ويارب ينولنا زيارة اسكندرية و الصلاة فى مسجد القائد ابراهيم اللى كان له دور كبير
فى اسكندرية لانى عمر ى ما زرت اسكندرية .

سلاااااااااااااااااااااااااااااام يا احلى ملكة

ربنا يخليكى يا شمس و ان شاء الله اشوفك فى اسكندريه قريب و نصلى سوا فى مسجد القائد ابراهيم
سلااااام يا أجمل شمس